|
SubscriptionsSites I Read
|
|
|
|
| 問題係你拿的係筆桿，唔係槍桿
問題係你穿的是窄牛，唔係運動褲，（更遑論運動短褲!）
問題係你係品學兼優生（要知道老師眼中的「品」係順從），唔係氣憤隊友傳失波而屌那星既籃球隊長
問題係你中意Pet shop boys, 唔係Bruce Springsteen （其實我有聽Pulp 架都，他們幾有抗爭精神的＜﹣﹣貢咪衰左lor)
問題係你中意睇英瑪褒曼，唔中意Michael Bay (甚至你唔應該知道Michael Bay, 你只須知道變形金剛）
問題係你178cm卻只有61kg,
是的，袴下韓信係忍辱負重，袴下武植係苟且偷生
如果我是赳赳武夫...
如果我有一個看來可以負重的身體... | | |
| 我教會常常都會講，處貧窮，處患難，要忍耐，忍耐到底的必然得救，忍耐就會生老練，老練就生盼望。好多既事情都話係神既試煉或者魔魔鬼既工作，我地應該聚焦係天上既財寶。我覺得這樣實在係同Ｄ剝削者狼狽為奸，縱容佢地剝削低下階層。ＭＰＦ又忍，領匯又要忍，政府老屈大學生拖欠grant loan 又忍，藝穗迫遷，城規會迫遷又忍，橫豎天地都要廢去。我真係有時聽到想講粗口。
最近一個禮拜，講者提醒我地要揀選生命，佢既例子係自己因為仔仔要去沙田返基督教既中學，就租左沙田，佢地本來住上水（間樓繼續ＫＥＥＰ），此舉已經Ｏ咀，另外本來話唔揸車，但因為太太想spend 多Ｄquality time with family, (太太係上水返工，而家住緊馬鐵沿線既沙田），就keep 住揸，因為可以多Ｄ時間陪屋企，係揀選生命。多麼典型的中產價值。環保考慮，資源有效管理，幫助財富既再分配既可能性，就可以拋諸腦後。我唔係話自己好叻，不過咁樣獨善其身都可以話自己係揀選生命，我就唔夠膽講。
耶穌對人既關懷同「愛」係基督教信仰既核心。我記得有一次法利賽人問耶穌應唔應該係安息日治病，耶穌都堅持要治病。信望愛，其中最大的是愛。教條與愛之間，耶穌選擇了愛。
_______________________
師兄的回應：
有時候，我真係真係唔想成日抽佢水的，但每次要講本地教會核心的流弊，最終都要返到去前任校長度。唉，其實開埋朵都唔怕啦，理得你add左佢又好，你張list度有100個佢的fans炸我facebook都好，今次又要拎樓恩德出黎批。。。
我諗如果你有跟開近年那些右翼中產基督教條線，你大抵都知道近年樓恩德同佢地玩得好埋，基本上樓先生(看我幾尊重佢)已成為他們界別的「教育界」代表，(可參考基督教界別就家庭事宜會面民建聯蘇錦樑副局長事件)，香港有品有佢份，happy man期期都有佢份(得閒去7-11睇下，期期都幫梁美芬陳茂波，同埋一大班中產基的ceo貼金)，基本上，佢同陳世強、容永祺、蘇穎智等等核心人物已經走得好埋，有你就有我的，幾乎。陳容蘇幾個做的好事已經講過太多太多次了，前兩個你可以搵下佢d政論，容永祺曲解聖經叫信徒順服，陳世強說主民先於民主，蘇穎智呢？入大陸搞個和諧主題公園，你搵呢個公園就可以搵到埋樓先生幫他祝禱的事。走得幾埋一目了然。
以前在學校人人當正樓先生權威一樣的，現在看看他寫的文章，我不想這樣說，但真的覺得很膠。你睇佢響「香港有品」兩篇文章。。。
http://www.charactercity.hk/modules/news/article.php?storyid=78
http://www.charactercity.hk/modules/AMS/article.php?storyid=61
表面上看落去，第一次看的時候，會笑下，覺得樓先生無做校長仲咩連論證都跳晒steps呀，有好野就入晒基督教教育數，又變左大公報咁「可憐外國不少無知平民」，嘩無見幾年變得咁快？但再看的時候，你就會覺得如果你跟足樓先生一套，世界會變得好恐怖，你睇佢d文，成日都quote聖經的，但quote出來，你每次深入讀下去，你都會發現原來樓先生那套，根本不是從平等和愛的出發，我甚或覺得，他寫文present出來的那套聖經，已經成為了一個discipline，核心是規範，狹義去睇，就係叫你自律，唔應該點點點，應該順服blah blah blah，但你再退後一步，他那套野根本就shape你在現存社會的主流意識當中，你要信服政權，你要符合社會要求。
你睇多睇「香港需要品格」那篇，真係好得人驚，佢講個套公民教育完全係同成個社會的public sphere係無關的，咩叫公民，守規就係公民；你再睇去呢二個段，你真係會以為佢信緊preach緊的，係資本主義。
其實我無好深入的study過他們背後的是甚麼？點解會有呢種野出左黎，但我相信，來回來去點解呢班人會搞到死局，都離唔開佢地兩樣野。
1.如你所講的兩個字︰中產
2.去政治化的神話
我想我在中大混在五年，最大的得著就係我完全唔再相信安柱教我個套力爭上游脫貧晉身中產的思想(雖則其實我無咩受過影響)，我唔見得循規蹈矩跟住走一世做個專業人士結婚生仔買樓的生活有幾甜美，我跟足你玩又點，到頭來都係為左李長治一世富貴，買座仆街屏風樓小單位，星期日返完教會行商場排板前再去starbucks食tea之後行埋citysuper再比埋架車你揸返歸好未。咁x樣的中產生活真係唔見得有幾令人羨慕，但原來我跟住遊戲規則玩的first prize不過都係咁，咁我玩黎仲乜狠。
另外，我個人覺得去政治化的myth，呢個係大過中產的死症。你知啦，香港不嬲都去政治，怕政治，佢班中產基就次次用呢招，講到自己不講政治只敬拜神，但永遠fake你班友，其實自己本身個敬拜、傳道行為就最政治。那些葛福臨、全球祈禱日、家庭條例等等，根本都勁政治，永遠都是向政權靠攏，彷彿「政府」係同「政治」兩個唔同場域的。呢d太明顯的都未算，其實佢地好多講道、寫的文章，在經濟立場根本都離唔開政治，你睇樓先生開壇，佢真係去講君王人格論之類的東西，你估其實本身有幾多美式成功學的東西滲左入去(我覺得將美式成功學滲入去，又話咩咩學做領袖的，真係好仆街，呢d成功學根本就將好多社會的不公平，強加於不幸的人身上，用來用去都係套"社會係平世界係平"、"山唔轉路轉路唔轉人轉"的死人tone，說到底都是奶資本主義鞋底)。但呢班五十幾六十幾的永遠不會覺得自己政治化，只會說批評他們的人政治化，自己搞的是宗教活動云云。
但我想講，點解陳世強可以撈埋政協，點解要叫個宗教主題公園叫「和諧之都」，點解「香港有品」要變成企業的形象工程，點解「正義」唔可以係有品品格之一？唔政治，咁點解要我地同政府祈禱，仲要話支持林瑞麟？
真的不好意思呢黃家豪，在你地盤開火。但我想補充我也奇怪，我是離開了中學的環境，才反而對聖經和宗教的東西再發生興趣。到了畢業時，讀過reli的course一隻手數晒，但我想我學到過往宗教科沒教過我的東西︰包容。
就是那時讀過reli入門科，我才知道，宗教經驗係好個人的，根本就唔一定要以傳福音的方式進行，也未必人人都需要福音；也知道原來佛教係無神的宗教(!!!)，亦是這刻我才知道我對其他宗教知識的貧乏，因為我的中學教我，其他宗教都是迷信，都是魔鬼，我們從來不知道其他宗教的面目，當然也缺乏任何比較資料或進行對話的可能；又是required reading讀過edward said，才知道基督徒不一定要盲目站在以色列的一邊，因為以色列真的好撚賤。。。。。
現在，有時在梨貝街，望見那些中一中二左右的母校師弟師妹，我都有點感歎。在學校，他們或許受到感動決志，老師教他們拜神是拜鬼，聖經在老師口中成為規訓他們心靈、讓他們學習做個中產階級的教條；在家中，他們母親要他/她莊香拜祖先，用基層的語言訓斥他們跟左耶穌無老母，將來唔會有人擔番買水。
那時候，看見他們的身影，我就覺得十幾歲的人仔活在基督教/拜祖先、中產/基層的兩個世界中，返學人前人後兩個相反世界，就會覺得他們要承受的真的太多，也會想，究竟學校會不會教他們怎樣理解怎樣包容這兩個不同世界？
或許，結論也是心酸的，說到底，基督教教育(以我身歷過的)根本沒有脫離過對殖民主義、中產階級、資本主義幾個isms的依附。。。你覺得呢？
＿＿＿＿＿＿＿＿＿＿＿＿＿＿＿＿＿＿＿＿＿
我的接續回應：
師兄，係我唔敢當就真，你趕緊文都黎賜教，我當日無揀文宗俾你挑，今日唔使４２１００都有得上你堂，我要講多謝，這是誠心既抬槓。ＨＡＨＡＨＡ
唔使你點其實我都一肚火（你最清楚我中學既時候係咩人，呢幾年吃過咩咸苦真係）我都唔知可以從何說起，講起said就講said 先，我讀佢既書真係有好大既得著，最記得佢話點解一神宗教會挑起咁多紛爭，主要係大家都將所信既elevate到去absolute truth/universal truth 既level, 唔realise, we are speaking the language of love and faith. 好似你話自己既爸爸係最好既爸爸，隔離Ｂ仔話佢爸爸係最好，唔係有人講大話，只係大家都是「用愛心說誠實話」，不過而家就係好多人都走過去打Ｂ仔個老味，話佢褻瀆自己老豆，我諗當中所講既就係「包容」。
以巴問題真係講到口臭，又唔得唔抽我教會講員既水，條友有插過哲古華拉既往跡，佢係今年聖誔以軍又毀停火協議的時候，話你睇巴勒斯坦炸來炸去都係傷得人三個人，以軍一野就死二百人，有神係唔同Ｄ，我真係當堂想走人。唔通得２﹪既人口但佔左加沙９８﹪既資源係神既工作，唔通要人日日排三個中隊先返到屋企又係神既工作！果日同某老師食飯，你check 返相係邊個，佢話聖經話過阿伯拉罕既後裔要互相傾軋（以巴相方），咁姐係點，即係神既話不能廢去？佢地係都要打？我地又可以sit back, 又忍耐下啦，忍到神返黎啦下馬？
同一位老師，佢知我想轉教會，佢話佢教會好，佢地既牧師好親近神，佢地一家好蒙福，點蒙福？佢地一家出左１６個PHd, （幾中產的價值，first prize）我諗起海天堂既廣告，食龜苓糖會中狀元！原來１６個ＰＨd就好蒙福，當然我唔懷疑佢地牧師係蒙福的，亦唔係想undermine 人地既education, 耶和華係智慧開端我知，不過呢個係唔係蒙福的重點，你ＳＫＩＰ晒其他既野，講１６個ＰＨd. 我諗返起大家傳福音的手法，我信主前係點，我信主後係點，deliver一個比soap 更戲劇性既promise，但有事時又怪大家對神既睇法太功能功利既時候，我會問，當初你係點傳福音的，（神介入我生命，我讀書專心左聰明左，我而家係ＰＨＤ）咩係基督教既核心價值？我絕對同意你所講經歷神係好personal既東西，福音派洗腦式傳福音，鋪天蓋地大擲銀彈式傳福音，起公園起方舟式傳福音，單元化社會主流價值式傳福音，我實在係不敢苛同，所以唔好旨意我會捐十一俾教會，我會捐十一俾ＳＯＣＯ，作在最小的一個弟兄身上，就係作在神身上
其實仲有好多火想爆，不過我打字好慢，下次約你食飯。順便還野俾你，ＢＴＷ，買唔買到河瀨直美？
＿＿＿＿＿＿＿＿＿＿＿＿＿＿＿＿＿＿＿＿＿
某姊妹的回應：
教會也會存有不好的人
因為 有人的地方其實邊度都好
都有其弊處
我覺得你需要找人傾傾
如果再繼續落去,
只會讓魔鬼留地步~
這是確確實實的
感動決志是個人
沒有人迫你
這是你個人與神的關係
返教會係與團友建立彼此相交的
我想你也聽過許多次
你會否想想,講出黎
不過我知道好難
就如我一樣, 但一日唔解決問題所在
唔提出大家只守律例多於愛的時候
你只會越來越覺得唔妥
唔妥在於,為何佢地會係咁架!!?
這都是你失望的感覺....
互勉~
＿＿＿＿＿＿＿＿＿＿＿＿＿＿＿＿＿＿＿
我的回應
好多謝你一直以黎既記念，我所遇到既相信並唔單止係對個別教會（我地教會）既質疑，而係整個香港教會既建制既問題（我身邊都有唔少基督徒朋友，我都有同佢地傾過，但我發現真係好多時佢地對世界and社會好resigned(呢個當然只係癥狀，原因概同我的心裡只有神或只可以有神既取態有關））而我去留既決定，亦有太多既因素既影響（我應該同你提及過），真的不想在這裡再多說，只希望大家可以繼續去思考所信的。
| | |
| 因為大學教育既關係，我對社會多左一點關注，有時都會參與下社會運動 （真係好有限度既參與）
希望盡自己的力量，去支持自己既信念
雖然一路以來都認識唔少志同道合既朋友
不過都聽埋聽埋唔少discouraging既聲音
有Ｄ人會同你講︰
「個世界係咁啦」
「你螳臂擋車啦」
「You can't bite the hand that feeds you（唔係話你架戚小朋友，只係覺得你呢句野好好用）」
最令我覺得唔開心既其實係
「我覺得你咁反動（！！），只不過因為你係呢個System既loser, 你鬥唔贏，就話個GAME RULES有問題，想大家一齊同你唔洗玩」
因為他是對的，partly
我係基層，我唔係一個Competitive既人，我係性小眾，我個degree無咩商業價值（甚至好多人覺得０徒gas），我係呢個制度既underdog
我可以話出此言者針唔吉到肉唔知痛，
但我卻真的是因為日日如坐針氈先有如此的awareness
就好似Harvey Milk 咁講，「this is not just jobs or issues, this is our lives we're fighting for」
This is my life I am fighting for
所以我好尊敬那些是System裡的既得利益者，卻又有人文關懷，又有抗爭精神的朋友仔
你地提醒我
唔係我輸唔起，而係我所相信的，確是有價值。
請大家繼續一路向左。
| | |
| 一份工原來真係可以改變一個人既一生
之前覺得做既工一定要係自己既興趣，唔係好難做到六十歲
錢唔駛多的，夠就ok，唔好做左wage slave
但係聽到有朋友以前係慳妹，而家搵到教職，男朋友係紀律部隊，個人都變得梳爽好多
又有好好朋友，搵到一份好pay既工，一年就可以儲夠錢結婚
一直以為做一份自己喜歡既工作先係work to live，為錢出賣靈魂的就係live to work
以上朋友既例子說明左有一份好pay的工，真的可以facilitate到想要既life的。
今日多得阿Jess, 我有了一份可以「正我生」既工作
本來要放棄的，遙不可及既夢想，突然變得tangible
原來工作唔係真係貢緊要，一份工，一個行頭，唔一定要做一世的
工，好instrumental
以為工作係終生廝守既commitment，以前的我才是工作之囚。 | | |
| RAHHHHHHHHHHHHHHHHHHHHHHHHHHHHHHHHHHHHHHHHHHHHHHHHHHHHHHHAHAHHHHHHHHHHHHHHHHHHHHHHHHHHHHHHHHHHHHHHHHHHRWWWWWWWWWWWWWWWWWWWWWWWWWWWWWWWWWWWWWWWWWWWWWWWWWWWWWWWWWW!!!!!!!!!!!!!!!!!!!!!!!!!!!!!!!!!!!!!!!!!!!!!!!!
FUCKKKKKKKKKKKKKKKKKK!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
I AMMMMMMMMMMMMMMM SMOTHEEEEEEEEEEEEEEEEEEEEEEEEEEEEEEEEEEEEEERED!!!!!!!!!!!!!!!!!!!!!!!!!!!!!!
FUUUUUUCKKKKKKKKKKKKKKKK!!!!!!!!!!!!!!!!!!!!!!!!!!!!!!
FUCKKKKKKK YOOOOOOOOOOOOOOOOOOOOOUUUUUUUUUUUUUUUUUUUUUUUUUR LUUUUUUUUUUUUUUURRRRRRRRRRRRRRRRRRRRRRRRRVVVVVV!!!!!!!!!!!!!!!!!!!!!!!!!!
I AAAAAAAAAAAAAAAAAAAAAAAAAAAMMMMMMMMMMMMMMMMMM DYYYYYYYYYYYYYYYYYYYYYYYYYYYYYYYYYYYYYYYYYINNNGGGGGGGGGGGGGGGGGGGGGGGG IIIIIIIIIIIIIINNNNNNNNNNNNNNNSIIIIIIIIIIIIIIIIIIIIIIIIIIDEEEEEEEEEEE!!!!!!!!!!!!!!!!!!!!!!!!!!!!!!!!!!
and you won't even hear this and you will never understand
fuck
fuck...
| | |
|
